InicioEconomíaEstaleiro San Enrique fabricará o túnel climático "máis moderno do mundo"

Estaleiro San Enrique fabricará o túnel climático “máis moderno do mundo”

Servirá para comprobar o comportamento de vehículos eléctricos en condicións extremas.

PUBLICADO O

- Advertisement -

Estaleiro San Enrique de Marina Meridional fabricará en Vigo un túnel climático para comprobar o comportamento de vehículos eléctricos en condicións extremas, e suma así un novo contrato encargado por un fabricante automobilístico europeo.

Tal como indicou a compañía nun comunicado, este túnel foi desenvolvido pola enxeñaría española +D, experta en sistemas de ensaios especiais, e a súa construción levarase a cabo nos terreos privados do estaleiro en Vigo, nun prazo de oito meses, contando para iso cunhas 50 persoas.

Os traballos iniciaranse “de forma inmediata” nas instalacións do estaleiro e posteriormente instalarase na fábrica do cliente. “Trátase dun túnel experimental que permitirá realizar ensaios a escala real para poder comprobar o comportamento dos vehículos eléctricos en condicións climáticas extremas ata unha temperatura de -35 graos centígrados“, explicou o conselleiro delegado de Marina Meridional, Juan Moreno.

Con todo, Moreno engadiu que debido a cuestións de confidencialidade co cliente non pode avanzar máis datos, aínda que si subliñou que será o túnel climático máis moderno do mundo das súas características.

Tamén lembrou que este pedido se suma ao contrato formalizado no marco da Feira de Navalia para a construción dun pesqueiro de 80 metros de eslora e 17 metros de manga por un importe de 35 millóns de euros, o que permite dotar o estaleiro, antes Factorías Vulcano, de carga de traballo.

Ademais, desde a compañía séguese avanzando nas negociacións para o peche doutros proxectos, tanto de nova construción naval como industrial.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...