InicioSociedadeA goleta 'Atyla' chega a Vigo na súa viaxe de preparación para...

A goleta ‘Atyla’ chega a Vigo na súa viaxe de preparación para participar no Iacobus Maris Xacobeo

A ruta mariiñeira partirá o 25 de xuño desde a localidade italiana de Xénova rumbo á cidade viguesa.

PUBLICADO O

A goleta ‘Atyla’ chegou a Vigo na súa viaxe de preparación para participar na ruta Iacobus Maris Xacobeo 21-22, onde foi recibida, entre outros, pola delegada da Xunta na cidade, Marta Fernández-Tapias, e polo presidente da Autoridade Portuaria, Jesús Vázquez Almuiña. Tamén o presidente da Fundación Traslatio, Mario Cardama, deu a benvida este xoves á tripulación da goleta  no peirao de Transatlánticos de Vigo, onde volverá o próximo mes de xullo.

Esta embarcación será un dos once grandes veleiros que participarán na Iacobus Maris, polo que na actualidade está a ultimar detalles para o esperado comezo da travesía xacobea máis longa da historia.

Tras realizar unha visita polo interior do barco e coñecer a súa tripulación, a delegada da Xunta afirmou que é un “luxo” poder visitar este tipo de barcos por dentro e ver como están coidadas e a antigüidade que teñen algunhas pezas.

“É unha marabilla que empecen a chegar barcos como a goleta ‘Atyla’ ao noso porto, que ademais van facer o camiño inverso ata Xénova, como nos contaba o capitán, para empezar o día 24 a Iacobus Maris. Todos desexamos que cheguen á nosa cidade, que entren os veleiros, buques escola e goletas pola nosa ría e que podamos gozar todos os vigueses deste espectáculo que vai ser único”, reivindicou Fernández-Tapias.

A Iacobus Maris partirá o próximo 25 de xuño desde a localidade italiana de Xénova rumbo a Vigo, facendo escala en Valencia, Sevilla e Porto antes da súa chegada a Galicia.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...