InicioSucesosCondenan unha muller de Salceda a tres meses de cárcere por envenenar...

Condenan unha muller de Salceda a tres meses de cárcere por envenenar a gata da súa veciña

A pesar da condena, a xuíza acordou suspender a execución da pena de prisión imposta durante dous anos, sempre coa condición de que durante ese período non delinca.

PUBLICADO O

O Xulgado de Primeira Instancia e Instrución número 3 do Porriño  condenou a tres meses de cárcere e a oito meses de inhabilitación para a tenencia de animais ou o exercicio de profesión ou oficio relacionado con eles a unha residente de Salceda de Caselas por envenenar á gata da súa veciña.

A acusada, que recoñeceu os feitos antes do xuízo e mostrouse conforme coa pena, foi condenada como autora dun delito de malos tratos animais, coa aplicación da atenuante de reparación do dano, xa que fixo fronte á responsabilidade civil.

A pesar da condena, a xuíza acordou suspender a execución da pena de prisión imposta durante dous anos, sempre coa condición de que durante ese período non delinca.

A sentenza explica que en decembro de 2021, “sendo plenamente coñecedora de que a súa veciña posuía unha gata na súa vivenda”, a agora condenada, “con absoluto desprezo cara á integridade física do devandito animal”, colocou nas inmediacións das escaleiras do inmoble un prato de comida, ao que engadiu “unha sustancia tóxica non identificada”.

Como consecuencia da inxesta desa comida, o animal tivo que ser trasladado a un centro veterinario, no que ingresou de urxencia, onde foi hospitalizado.

Os gastos de tratamento veterinario para a curación da gata ascenderon a case 86 euros, unha cantidade consignada xudicialmente pola condenada en concepto de indemnización. Contra a sentenza non cabe recurso, xa que foi ditada coa conformidade de todas as partes implicadas no procedemento.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...