InicioEconomíaO comercio do metal inicia mobilizacións contra a "miserable" proposta da patronal...

O comercio do metal inicia mobilizacións contra a “miserable” proposta da patronal para un novo convenio

O anterior acordo leva dous anos caducado.

PUBLICADO O

O sector do comercio do metal da provincia de Pontevedra acordou en asemblea iniciar un calendario de mobilizacións para reclamar un convenio colectivo digno, xa que o anterior acordo leva dous anos caducado.

Os sindicatos maioritarios (CIG, CC.OO. e UGT) porán en marcha unha campaña de información entre os traballadores e convocaron unha concentración para o próximo 8 de maio para expresar o seu rexeitamento á última proposta da patronal, que tacharon de “miserable”. Así mesmo, advertiron de que non descartan convocar folga.

Na asemblea, celebrada o pasado domingo, os sindicatos explicaron que a patronal propón un convenio con vixencia de 2020 a 2023, sen incremento salarial nos dous primeiros anos, e unha suba do 3 % para 2021 (con revisión salarial limitada a un máximo do 4 %).

Segundo criticaron as centrais, a proposta non contempla “nin redución de xornada nin outras melloras nas condicións laborais”, polo que decidiron iniciar as mobilizacións. A primeira concentración terá lugar en Vigo, fronte a unha das empresas que está presente na mesa de negociación.

O convenio colectivo do comercio do metal afecta a actividades como comercio de electrodomésticos, ferraxaría e material de oficina; recambios e accesorios de vehículos; almacenistas e almacenistas de material eléctrico; maquinaria en xeral; xoiaría, prataría e reloxaría; concesionarios de vehículos; e establecementos de venda de pneumáticos.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...