A concelleira socialista e secretaria de Organización do PSOE de Ponteareas, Vanesa Fernández, substituirá a Chus Garrote como portavoz do grupo municipal nos plenos, segundo informaron fontes da agrupación local.
As mesmas fontes detallaron que Chus Garrote seguirá exercendo como edila e como tenente de Alcaldesa en Ponteareas, onde os socialistas gobernan en coalición co BNG. Segundo o secretario xeral do PSOE ponteareán, Delfín Domínguez, este cambio pretende “reforzar a ligazón” entre a nova executiva local e o grupo municipal, composto por tres concelleiros.
“Vanesa Fernández é a secretaria de Organización da Executiva Municipal de Ponteareas e ocupa unha secretaría na Executiva Provincial do PSOE de Pontevedra. O lóxico e natural é que desempeñe as funcións de portavoz ante o pleno municipal e o goberno do que formamos parte”, sinalou Delfín Domínguez.