InicioPolíticaCaballero aplaude que Portugal queira priorizar o AVE Vigo-O Porto

Caballero aplaude que Portugal queira priorizar o AVE Vigo-O Porto

O alcalde de Vigo asegura que esa conexión ferroviaria é unha obra "histórica e fundamental" para o Corredor Atlántico, "con Vigo como centro dese espazo".

PUBLICADO O

- Advertisement -

O alcalde de Vigo, Abel Caballero, celebrou este mércores que Portugal expoña como prioridade a conexión por alta velocidade ferroviaria entre a cidade lusa do Porto e a fronteira con España e, polo tanto, a conexión coa cidade olívica e co Eixo Atlántico, e asegurou que o goberno de España “comparte enteiramente” esa visión.

Así o manifestou nunha rolda de prensa na que aplaudiu que o Executivo luso planee acelerar ese tramo para lograr unha conexión entre as dúas metrópoles nun tempo de entre 45 e 50 minutos. “É unha magnífica noticia”, proclamou.

Segundo explicou ante os medios, este mesmo mércores púxose en contacto coa secretaria de Estado de Transportes, Isabel Pardo de Vera para abordar este asunto. “Ela tamén o ve como unha magnífica noticia”, explicou. O alcalde afirmou que o Goberno de España, pola súa banda, “prioriza” o AVE entre Vigo e a fronteira portuguesa, a través da saída sur desde a cidade olívica, que está “en estudo funcional”, e que lle dá “toda a urxencia”.

“O ministerio falará desta cuestión porque a secretaria de Estado comparte enteiramente a posición (do goberno portugués). De feito, a idea xurdiu no cume de Garda, na que eu estiven presente co primeiro ministro de Portugal e o presidente de España”, engadiu, antes de recalcar que esa conexión ferroviaria é unha obra “histórica e fundamental” para o Corredor Atlántico, “con Vigo como centro dese espazo”, e co complemento da conexión directa a Madrid por Cerdedo.

ÚLTIMAS

Axentes e funcionarios denuncian as condicións “extremas” de calor na Comisaría de Vigo

Medio centenar de axentes e funcionarios da Comisaría de Vigo-Redondela, convocados polos sindicatos policiais...

Detido en Vigo por unha agresión á súa parella

Axentes da Policía Local de Vigo detiveron a un home de 47 anos de...

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...