InicioSucesosVolven deter o exboxeador Roberto Domíguez por quebrantar a orde de aloxamento...

Volven deter o exboxeador Roberto Domíguez por quebrantar a orde de aloxamento da exparella

Trátase da quinta detención en só dúas semanas.

PUBLICADO O

O exboxeador Roberto Domínguez volveu ser detido esta noite en Vigo tras romper a pulseira de localización que lle foi instalada polo xulgado de violencia sobre a muller para coñecer a súa localización e así impedir que salte a súa orde de afastamento contra a súa exparella.

Tal como informaron fontes policiais a Europa Press, Domíguez quebrantou esta medida xudicial. Con todo, non é a primeira vez que o fai, xa que o exboxeador xa rompeu en polo menos outra ocasión dita pulseira. Na actualidade, Roberto Domíguez atópase detido na comisaría de Vigo á espera de pasar este venres a disposición xudicial.

Este suceso produciuse xusto despois de que o exboxeador saíse do centro sanitario no que estaba ingresado desde a tarde do pasado mércores, onde foi sometido a unha avaliación psicolóxica, ordenada pola xuíza do Xulgado de Instrución número 7 de Vigo.

A detención únese a outras moitas protagonizadas polo exboxeador nas últimas semanas, despois de ser arrestado tras meterse na auga da praia do Vao por vulnerar unha orde de afastamento da súa exparella.

Catro días despois, Domínguez foi detido por causar danos no depósito municipal de vehículos e por atentado contra a autoridade tras tentar atropelar a un axente da Policía Local e este mesmo martes foi ‘cazado’ tras roubar a uns mozos pola rúa.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...