Un home, E.A.M.P. de Perú e 38 anos de idade, foi detido o pasado domingo en Vigo tras agredir á súa parella no domicilio que compartían, segundo informou a Policía Local nun comunicado. Así, os feitos ocorreron sobre as 19,25 horas, cando a vítima alertou aos axentes de que a súa parella a agrediu na súa vivenda, situada na rúa Emilia Pardo Bazán.
Unha vez no lugar, a muller, de 37 anos, asegurou que o home chegara moi alterado e comezaron unha discusión, no transcurso da cal a suxeitou do antebrazo, retorceulle ambos os brazos e lanzouna contra a parede. Tras o suceso, o home abandonou o lugar, deixándoa con marcas vermellas en ambos brazos e con dor na parte posterior da cabeza e das costas.
Unha vez facilitadas as características do home, os funcionarios explicáronlle os pasos a seguir se a súa parella volvía á casa. Esta circunstancia produciuse ás 22,30 horas, cando ela volveu dar aviso á Policía, presentándose no lugar para a detención do home pola suposta comisión dun delito de violencia de xénero.
