A Policía Local de Vigo interceptou na cidade a un mozo de 23 anos ao que lle constaba unha orde de detención e presentación ditada polo Xulgado de Primeira Instancia e Instrución número 1 de Lalín.
Tal como informaron os axentes, foi o pasado sábado sobre as 14,15 horas cando no ámbito de control e vixilancia en materia de seguridade cidadá unha patrulla procedeu á identificación dun mozo na rúa Grove.
Resultou ser A.M.G. de Vigo e 23 anos de idade e, tras realizar un cotexo e verificación telemática dos seus datos, o funcionariado decatouse de que constaba unha orde de detención contra el.
Por iso, procedeuse á súa detención inmediata en cumprimento do mandato xudicial, pasando a disposición do órgano competente.
