InicioEconomíaO hotel Attica21 Vigo abrirá as súas portas en Samil o 15...

O hotel Attica21 Vigo abrirá as súas portas en Samil o 15 de xuño

Bota a andar tras case dous anos de obras e un investimento de 25 millóns de euros.

PUBLICADO O

O novo hotel Attica21 Vigo Business & Wellness abrirá as súas portas o próximo 15 xuño fronte á praia de Samil, tras case dous anos de obras e un investimento de 25 millóns de euros, converténdose no oitavo establecemento da cadea Attica21 Hotels, propiedade de Inveravante e que ten hoteis en Galicia, Madrid e Cataluña.

O novo complexo hoteleiro, de 4 estrelas superior e con 157 habitacións, combinará o turismo vacacional, urbano, de negocios e ‘wellness’, proxectando a súa actividade os 365 días do ano e “reforzando o posicionamento de Vigo como destino tanto urbano como vacacional”, segundo recalcaron fontes da empresa.

O hotel erixiuse na parcela que ocupou durante anos o antigo hotel Samil e foi construído coa premisa de integrarse na paisaxe e respectar a contorna. Así, o establecemento conta con varios edificios, orientados cara á praia e o horizonte, coas Illas Cíes de fondo, aproveitando ao máximo a luz natural.

Attica21 Vigo dispón de 157 habitacións, de entre 28 e 65 metros cadrados, e de diferentes categorías, todas exteriores e con terraza privada. Ademais, conta cun espazo gastronómico formado por tres ambientes: un comedor principal, unha terraza panorámica e un reservado. O hotel ofrecerá unha carta de produtos de proximidade e aspira a converterse nun “punto de encontro”, tanto para a cidadanía viguesa como para quen se hospede nel.

Por outra banda, dará tamén moito protagonismo ao segmento de negocios e dispón dunha área de 900 metros cadrados para eventos e reunións, con tecnoloxía avanzada en medios audiovisuais. Así mesmo, ten unha zona exterior para a organización de catering ao aire libre e a realización de presentacións.

A oferta do complexo inclúe zona de spa, composta por un circuíto de hidroterapia con piscina dinámica; baño turco; sauna finlandesa; ducha de esencias, nebulizante e bitérmica; fonte de xeo; jacuzzis; camas térmicas; e zona relax con cheminea exterior. O hotel conta tamén cunha cabina dobre con luz natural, bañeira de hidromasaxe para dúas persoas e outros servizos.

Finalmente, na zona fitness, o establecemento ten un ximnasio boutique aberto á cidade de Vigo con servizo de adestramento persoal, tamén para o hóspede aloxado; un club de running ou sesións de ioga, para grupos reducidos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...