InicioSociedadeA Xunta propón ao Concello un convenio para o IES de Navia

A Xunta propón ao Concello un convenio para o IES de Navia

Licitará en maio os proxectos doutras 128 vivendas.

PUBLICADO O

A Xunta de Galicia remitirá “de inmediato” ao Concello de Vigo unha proposta de convenio para a construción dun IES no barrio de Navia, para o que se prevé un investimento duns 12 millóns de euros, e da que se deu conta na reunión do Consello do goberno galego.

Segundo informou o presidente Núñez Feijóo, a administración autonómica proporá, mediante ese acordo, a cesión directa do chan do Instituto Galego de Vivenda e Solo (IGVS) á Consellería de Educación, sen que a parcela pase a ser titularidade municipal para axilizar trámites.

O Concello deberá dar luz verde a esta cesión directa e comprometerse a axilizar a aprobación do proxecto de urbanización do polígono 2 de Navia (no que se proxecta esta dotación educativa) e a conceder licenza de segregación da parcela.

O novo instituto, lembrou Feijóo, terá máis de 8.000 metros cadrados de superficie total, e capacidade para 700 alumnos. Contará cun total de 20 aulas de ESO e Bacharelato, ademais de zona de administración, pistas deportivas, espazos comúns, cafetaría, etc.

PROCESO DE URBANIZACIÓN E CONSTRUCIÓN DE VIVENDAS

Por outra banda, o titular do Executivo galego confirmou que a Xunta recibiu 15 ofertas para o proxecto e dirección de obra das primeiras 79 vivendas públicas na ampliación do barrio de Navia, no polígono 1.

A administración autonómica prevé licitar en maio os proxectos e dirección de obra das outras 128 vivendas de promoción pública nese polígono (ás que deben engadirse outras 526 vivendas de promotores privados e cooperativistas) e o total de investimento para vivenda pública neste primeiro ámbito é de caso 28 millóns de euros.

Con todo, lembrou Feijóo, antes das vivendas aínda é necesario acometer as obras de urbanización dese polígono 1, cuxo proxecto aínda non ten aprobación definitiva do Concello. De feito, o prazo para presentar ofertas acaba o 1 de xuño, pero as obras non se poderán adxudicar sen a luz verde municipal.

Respecto diso, o presidente galego afirmou que o seu goberno seguirá “cumprindo” con Navia, sempre que lle “deixen”, en alusión ás trabas que, segundo a administración autonómica, está a pór o goberno local de Abel Caballero no proceso de ampliación deste barrio.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...