InicioVigo e contornaVigoO BNG pide cesar a un edil vigués por "dinamitar" a folga...

O BNG pide cesar a un edil vigués por “dinamitar” a folga de limpeza

Aseguran que o o concelleiro de Fomento e Servizos dispuxo outra empresa concesionaria para cumprir os traballos.

PUBLICADO O

O BNG de Vigo esixiu o cesamento inmediato do concelleiro de Fomento e Servizos, Javier Pardo, polo “esquirolaxe institucional” practicado ante a folga convocada no servizo de limpeza de dependencias municipais, e despois de que os sindicatos denunciasen que “por orde do alcalde” un retén doutra concesionaria (FCC) estivo a realizar as tarefas das traballadoras en folga.

Nunha rolda de prensa, o edil nacionalista, Xabier Pérez Igrexas, referiuse a o ocorrido na mañá deste martes no Consistorio, denunciado polos sindicatos, e criticou que o goberno de Abel Caballero practicou ” o esquirolaxe”, tentando “dinamitar o exercicio dun dereito fundamental, como é o de folga”.

Ademais, tamén censurou a xustificación “oficiosa” do goberno local, que alegou que a presenza de operarios de FCC (escoltados por Policía Local) foi un erro cometido por un traballador sen coñecemento do propio goberno local. “É unha inaceptable tomadura de pelo”, advertiu Pérez Igrexas.

Respecto diso, reclamou que se depuren responsabilidades políticas, que se cese ao concelleiro da área, Javier Pardo, e que se dean “explicacións claras”. Por outra banda, avanzou que os servizos xurídicos do BNG estudarán a posibilidade de “emprender accións legais”, para “que non quede impune” o “atropelo” do goberno local aos dereitos das traballadoras en folga (case todas son mulleres no servizo)

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...