Stellantis abandona a produción en Rusia polas sancións

Segue o camiño marcado por Bridgestone, Renault e Volkswagen, entre outros.

Sección de ferraxe na planta do grupo Stellantis (antiga PSA) en Vigo.. VICTOR CAMESELLE - Arquivo

O grupo automobilístico Stellantis anunciou que suspende as súas operacións en Rusia debido o rápido aumento diario das sancións dos países con motivo da invasión de Ucraína e as dificultades loxísticas de operar no país.

Nun comunicado, a compañía de automóbiles destacou que cesa a produción na fábrica de Kaluga, unha cidade situada ao oeste de Rusia, para “garantir o pleno cumprimento de todas as sancións cruzadas e protexer aos seus empregados”.

Desta maneira, Stellantis súmase con esta decisión a outras compañías de automóbiles como Bridgestone, Renault, Volkswagen, General Motors ou Harley-Davidson, entre outros, que tamén tomaron medidas para suspender a súa actividade no país con motivo do conflito con Ucraína e das sancións impostas.

Así mesmo, o grupo formado pola fusión de entre PSA e Fiat Chrysler Automobiles (FCA) reiterou a súa condena á violencia e o compromiso da compañía de apoiar todas as accións capaces de restaurar a paz.

DEIXAR UN COMENTARIO

Please enter your comment!
Please enter your name here