InicioSociedadePrecintan outras dúas casas de citas en Vigo vinculadas á explotación sexual...

Precintan outras dúas casas de citas en Vigo vinculadas á explotación sexual de mulleres

Durante 2021 realizáronse diversas investigacións para o control da actividade relacionada coa prostitución en domicilios, algúns deles de luxo.

PUBLICADO O

Un xulgado de Vigo ordenou o precinto, clausura e cesamento de actividade de dous domicilios que actuaban como casas de citas na cidade tras a desarticulación de varias organizacións criminais dedicadas á explotación sexual de mulleres.

Tal como informou a Policía Nacional, foi ao longo do ano pasado cando a Unidade Contra as Redes de Inmigración Ilegal e Falsidade Documental da Brigada Local de Estranxeiría e Fronteiras realizou diversas actuacións encamiñadas ao control da actividade relacionada coa prostitución nas denominadas casas de citas.

Dita investigación deu como resultado a desarticulación de varias organizacións criminais dedicadas á explotación sexual de mulleres mediante o exercicio coactivo da prostitución.

A actividade desenvolvíase, entre outros inmobles, en dous chalés anunciados como de ‘alto standing’, nos que se interviñeron importantes cantidades de diñeiro en efectivo, sustancias estupefacientes, fármacos e documentos relacionados coa loxística e a actividade económica das organizacións.

As investigacións realizadas pola Policía Nacional, en coordinación coa Fiscalía de Vigo, propiciaron a adopción por parte da Autoridade Xudicial desta medida de clausura e cesamento de actividade. Este martes procedeuse ao precinto dos dous últimos inmobles relacionados coas investigacións.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...