A Xunta estudará a posibilidade de desenvolver un proxecto de aldea modelo no concello pontevedrés do Porriño. Así o acordaron este martes o conselleiro do Medio Rural, José González, e o alcalde da localidade, Alejandro Lorenzo.

Agora, segundo trasladou a Consellería do Medio Rural nunha nota de prensa, os servizos técnicos do departamento avaliarán a idoneidade de diversas localizacións para a posta en marcha desta iniciativa, que se enmarca na Lei de recuperación de terra agraria de Galicia.

As aldeas modelo teñen como obxectivo fomentar “o aproveitamento agroforestal do perímetro do núcleo de poboación”, co fin de xerar actividade nesa franxa e desa maneira contribuír á dinamización das terras”. Á súa vez, pretende contribuír á anticipación aos incendios forestais.

Na reunión mantida este martes, o conselleiro e o rexedor tamén abordaron a cooperación entre ambas as institucións en materia de prevención de incendios, en particular no que respecta aos labores de roza mecanizada para o control da biomasa.