Noite dramática no Marisquiño: máis de 130 feridos, 4 deles graves

O accidente aconteceu ás 23.58 horas, antes do concerto do rapeiro Rels B. A portavoz do PP de Vigo xa avisara a pasada semana do mal estado do Paseo das Avenidas: "Esperemos por el bien de todos que no pase nada durante O Marisquiño", alertaba.

Caída dun muro no Marisquiño que provocou varios feridos / FB

A caída dunha plataforma de madeira durante un concerto do Marisquiño provocou máis de 130 feridos, catro deles graves, esta pasada medianoite, segundo as últimas informacións. Ademais, outras catro persoas aínda non foran localizadas polas súas familias, nin polos servizos de emerxencias.

O accidente aconteceu ás 23.58 horas, antes do concerto do rapeiro Rels B., e suspendéronse todas as actuacións restantes. Un gran número de ambulancias aproximáronse á zona para atender os feridos.

 

O primeiro en avisar dos feitos, por Twitter, foi Jacobo Pérez, que advertiu ás 00.06 horas do afundimento do peirao do Porto de Vigo, así como da chegada dos servizos de emerxencia e do alcalde ao lugar.

A partir de aí, unha avalancha de informacións, algunhas confusas e varios “bulos” relacionados coa catástrofe, alertando de dous ou seis falecidos, algo desmentido pola Policía Nacional. Pouco a pouco, os feridos foron trasladados a Povisa, Fátima, Concheiro, PAC (Punto de Atención Continuada) ou o Cunqueiro, dependendo das lesións.

Tamén se desprazou ate alí o alcalde de Vigo, Abel Caballero, quen falou aos medios de comunicación e afirmou que os servizos de emerxencia traballarían toda a noite nas pescudas, ata que aparezan todos os desaparecidos.

O alcalde confirmou que a posibilidade de que alguén quedase atrapado no derrubamento é case inexistente. Si falou de máis de 130 feridos, “a inmensa maioría leves”, e 4 graves.

 

Pola súa banda, o 112 desprazou 6 ambulancias de soporte vital avanzado, 10 ambulancias de soporte vital básico e 25 de apoio. Tamén había zodias no mar, avanzando na procura de feridos. A zona foi explorada dúas veces polos bombeiros con cámaras térmicas.

A portavoz do PP de Vigo, Elena Muñoz, xa avisara a pasada semana do mal estado do Paseo das Avenidas. Estas “madeiras rotas e puntas ao aire” ás que se refire levaban meses en mal estado.

DEIXAR UN COMENTARIO

Please enter your comment!
Please enter your name here