O alcalde de Vigo, Abel Caballero, anunciou que o próximo 8 de agosto actuará no auditorio de Castrelos da cidade Lola Índigo, o grupo capitaneado por Mimi Dobras, que traerá música e baile á urbe olívica.
Tal como destacou Caballero, trátase dunha artista “integral” con éxito “internacional” tras situarse con varias das súas cancións nos primeiros postos das listas musicais máis importantes.
Lola Índigo súmase así a Sebastián Yatra (13 de xullo), a Tanxugueiras (30 de xullo), a Leiva (4 de agosto), a Sting (6 de agosto) e a Home G (14 de agosto), que tamén actuarán en Castrelos este verán. O rexedor asegurou que aínda quedan datas por confirmar, como Nathy Peluso, que ela mesma anunciou nas súas redes sociais que visitará Vigo o próximo 24 de xullo.