InicioCulturaAs Tanxugueiras volverán a Vigo este verán

As Tanxugueiras volverán a Vigo este verán

Actuarán o 31 de xullo no auditorio de Castrelos.

PUBLICADO O

O grupo Tanxugueiras formará parte da programación de concertos de verán de Vigo, e actuarán o 31 de xullo no emblemático auditorio de Castrelos, segundo avanzou este martes o alcalde, Abel Caballero. As Tanxugueiras volverán así á cidade olívica despois do éxito do concerto celebrado no Auditorio Mar de Vigo o pasado 1 de abril, coas entradas esgotadas semanas antes da súa actuación.

O trío de pandereteiras atópase inmerso de cheo na súa xira ‘Midas’ tras o éxito obtido no Benidorm Fest que, aínda que non lles deu a praza para representar a España en Eurovisión, serviu de plataforma de proxección nacional e internacional.

O Concello de Vigo deu a coñecer xa varios nomes de artistas e grupos que actuará este verán en Castrelos: Sebastián Yatra (13 de xullo), Leiva (4 de agosto), Sting (6 de agosto), e Hombres G (14 de agosto). A estes concertos sumaranse os programados no Festival Terraceo, entre eles, Annie B Sweet, Ángel Stanich, Sés, Xisco Feijóo, Soleá Morente ou Delafé e as Flores Azuis.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...