InicioVigo e contornaVigoDetido en Vigo por ameazar cun coitelo aos clientes dun bar

Detido en Vigo por ameazar cun coitelo aos clientes dun bar

O home, de 56 anos, tivo que ser reducido pola policía.

PUBLICADO O

Axentes da Policía Local de Vigo detiveron a un veciño da cidade, C.A.F.G., de 56 anos de idade, como presunto autor dun delito de ameazas, tras intimidar aos clientes dun bar cun coitelo. Segundo informaron fontes policiais, os feitos ocorreron na madrugada deste xoves, cando o 092 recibiu un aviso para acudir a un establecemento hostaleiro da Avenida de Ramón Nieto, onde un dos clientes estaba a ameazar ao resto.

Ao chegar, varias testemuñas sinalaron a un home que se atopaba na vía pública e que, ao decatarse da chegada da Policía arroxara un coitelo que levaba ao chan, por baixo dun vehículo.

Os funcionarios dirixíronse ao sospeitoso, que presentaba un corte nun dedo polo que sangraba abundantemente e que se mostraba moi alterado. O home mantivo unha actitude hostil e pouco colaboradora, sen respectar a distancia de seguridade e metendo as mans nos petos constatemente.

Ante o risco de que puidese portar outra arma, e dada a súa actitude ameazante, os axentes inmobilizárono. Un das testemuñas explicou que o home iniciara unha discusión no interior do bar, e que mostrara un coitelo, mentres ameazaba de morte a varios dos presentes. Por estes feitos foi detido como presunto autor dun delito de ameazas graves e un intento de agresión con arma branca.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...