InicioEconomíaUGT pide que a venda de Barreras prime o emprego na contorna:...

UGT pide que a venda de Barreras prime o emprego na contorna: “Débenllo”

Os sindicatos criticaron que os propietarios se situou en favor dunha alternativa que non asume a totalidade do persoal, e que tampouco garante carga de traballo adecuada á capacidade das instalacións nin investimentos.

PUBLICADO O

O secretario xeral de UGT, Pepe Álvarez, pediu este xoves que, no proceso de venda do estaleiro vigués Barreras, se prime o mantemento do emprego e a creación de riqueza na contorna, e lembrou que os donos da empresa obtiveron grandes beneficios ao longo da súa historia.

En declaracións aos medios antes de participar nunha asemblea de delegados en Vigo, Pepe Álvarez sinalou que “non se trata só de que os propietarios do estaleiro teñan máis diñeiro, senón de facer iso compatible con que a actividade económica e a riqueza na contorna sexa a máis ampla”. “Creo que llo deben, os propietarios do estaleiro ao longo da historia tiveron réditos moi importantes. Non sería razoable que optasen pola opción que crea menos emprego e menos riqueza na contorna de Vigo”, aseverou.

Precisamente, nas últimas horas o comité de empresa de Barreras trasladou o seu malestar polo informe de alegacións presentado pola actual propiedade, Ritz Carlton, ao xulgado do Mercantil. No documento, elaborado por Kroll (a consultora encargada de xestionar o estaleiro e encamiñalo ao proceso concursal), os donos da empresa propoñen a Estaleiros Armón como mellor oferta para facerse coa unidade produtiva.

Os sindicatos criticaron que se situou en favor dunha alternativa que non asume a totalidade do persoal, e que tampouco garante carga de traballo adecuada á capacidade das instalacións nin investimentos.

PERTES

Por outra banda, Pepe Álvarez sinalou que o sector naval debe buscar o seu “encaixe” nun Proxecto Estratéxico para a Recuperación e Transformación Económica (PERTE), ou mesmo “nalgún plan da Xunta” para garantir o seu futuro industrial. “Hai suficientes recursos”, sinalou, á vez que matizou que as iniciativas deben estar orientadas en dúas direccións: a da produción eficiente e sustentable energéticamente, e a da transformación dixital.

Na mesma liña, referiuse ao PERTE do Vehículo Eléctrico e Conectado, que busca facer de España “un país de referencia” neste ámbito da mobilidade. Segundo sinalou, ademais dos grandes construtores, hai recursos “para que se poidan enganchar pequenas e medianas empresas neste ou noutros PERTE e proxectos industriais”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...