InicioVigo e contornaVigoDetido un veciño de Vigo de 41 anos por violencia de xénero

Detido un veciño de Vigo de 41 anos por violencia de xénero

A Policía procedeu á detención tras apreciar as feridas da súa parella.

PUBLICADO O

Axentes da Policía Local de Vigo detiveron a un veciño da cidade, A.G.B., de 41 anos de idade, como presunto autor dun delito de violencia de xénero, tras agredir supostamente á súa parella no transcurso dunha discusión. Os feitos ocorreron na tarde-noite do pasado domingo, cando o 092 recibiu un aviso para acudir a un domicilio do Camiño Sabaxáns, onde se estaba producindo unha discusión entre unha parella, e onde podían escoitarse ruídos de obxectos tirados e a voz dunha muller pedíndolle a un home que non a tocase.

Unha patrulla desprazouse ao lugar e observou á parella na porta do domicilio, discutindo acaloradamente. A muller, que estaba chorando moi alterada, manifestou aos axentes que mantiña unha relación co home desde facía dous anos e que discutiran por motivos económicos. Segundo relatou, o home insultáraa, para despois empurrala e golpeala, e os policías puideron observar que presentaba marcas no pescozo. Ademais, tiña hematomas nunha das súas pernas, tal e como explicou, por unha agresión anterior.

O sospeitoso recoñeceu que mantivera unha discusión con ela aínda que negou tela agredido. Con todo, foi detido como presunto autor dun delito de violencia de xénero. Por outra banda, a Policía Local informou tamén da detención doutro home, F.C.G., de 36 anos de idade e natural de Ferrol. O home foi identificado por unha patrulla no Camiño Caramuxo e, ao cotejar os seus datos, os axentes comprobaron que sobre el pesaban dúas ordes xudiciais de procura, detención e ingreso en prisión, ditadas por senllos xulgados de Ferrol.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...