InicioVigo e contornaVigoAbel Caballero marca as súas "liñas vermellas" a Portos do Estado: non...

Abel Caballero marca as súas “liñas vermellas” a Portos do Estado: non ao tren desde Bouzas e non máis recheos

Así mesmo, incidiu na importancia de que se avance na saída sur ferroviaria desde a estación de Urzáiz e na conexión de Vigo coa cidade portuguesa do Porto.

PUBLICADO O

- Advertisement -

O alcalde de Vigo, Abel Caballero, mantivo este martes unha reunión co presidente de Portos do Estado, Álvaro Rodríguez, a quen trasladou as dúas “grandes liñas vermellas” do goberno municipal con respecto ao porto olívico: o seu rexeitamento á construción dunha liña ferroviaria desde Bouzas e a negativa a que se realicen “máis recheos” na baía viguesa.

Segundo explicou o rexedor nunhas declaracións remitidas aos medios, aproveitou o encontro para manifestar a Álvaro Rodríguez a disposición do Concello na elaboración do Plan Especial do Porto, para deseñar a terminal viguesa para as próximas décadas.

Así mesmo, incidiu na importancia de que se avance na saída sur ferroviaria desde a estación de Urzáiz e na conexión de Vigo coa cidade portuguesa do Porto.

No entanto, tamén expuxo cales son as súas “liñas vermellas”. Así, incidiu en que “non se pode meter o ferrocarril polo medio da cidade” e permitir que esta “rompa”; e insistiu na súa oposición a novos recheos na ría de Vigo, “tan delicada e que necesita tanto coidado”, e apostou por unha “reorganización de espazos”.

Por outra banda, con respecto á xestión propiamente portuaria, sinalou que, aínda que debe manterse a cooperación entre Concello e Porto para xestionar os espazos de uso cidadán, el non se inmiscirá na actividade portuaria. “Os alcaldes non estamos para regular o porto”, apuntou.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...