A Policía Local de Vigo ‘caza’ dous xabaríns que se adentraran na cidade

Foron interceptados no parque de García Picher.

Un xabaril entrando nun campo de millo / desveda.com

A Policía Local de Vigo, coa asistencia dun veterinario, localizou e capturou dous exemplares de xabaril que merodeaban pola cidade e que foron avistados polos veciños. Segundo informou en rolda de prensa o alcalde, Abel Caballero, varios veciños alertaron á Policía nas últimas horas da presenza destes animais en diferentes zonas da cidade, na contorna de Orillamar e a rúa Coruña.

Na mañá deste martes, axentes do 092 co apoio dun veterinario conseguiron cercar aos animais e pechalos no parque canino de García Picher. Alí, foron sedados e foron trasladados para a súa posterior reintegración no seu hábitat. O alcalde informou de que, tras o achado dos jabalíes, o Concello contactou coa Xunta, que ten “competencia exclusiva” para tratar este tipo de animais salvaxes. “Pero non estaban en disposición de atendernos e dixeron que non podían vir”, criticou Caballero, que repetiu que, “de novo”, el asumiu “as funcións de presidente da Xunta”.