Abel Caballero: “Feijóo ven a Vigo a entregar 26 vivendas cando se precisan 6.000”

"Fixo ben en non convidarnos porque non iamos ir", critica.

O presidente da Xunta, Alberto Núñez Feijóo, durante unha visita ao barrio vigués de Navia, para presentar as últimas fases de urbanización do concello de Vigo, que inclúen 1.600 vivendas protexidas, segundo a Xunta / xunta.gal

O alcalde de Vigo, Abel Caballero, volveu a criticar ao presidente da Xunta, Alberto Núñez Feijóo, por visitar a cidade para entregar as chaves de 26 vivendas protexidas, “cando se demandan 6.000”.

En rolda de prensa, Caballero tachou de “tomadura de pelo para a cidade” que Feijóo leve gobernando 13 anos na Xunta e só entregase 62 vivendas protexidas, “cando se demandan uns 6.000” fogares.

Ademais, o rexedor olívico non viu con bos ollos que leve a cabo un acto de entrega de chaves. Ao seu xuízo, deberían enviarse “sen publicidade, por respecto das persoas”. “Fixo ben en non convidarnos porque non iamos ir”, indicou Caballero. O alcalde aproveitou o tema para pór en valor o plan municipal de vivenda que é quen “vai arranxar” a situación que vive Vigo neste ámbito.