InicioSucesosDetido un mozo en Vigo por golpear na cabeza a outro cunha...

Detido un mozo en Vigo por golpear na cabeza a outro cunha barra metálica

Os feitos ocorreron na madrugada do luns.

PUBLICADO O

Axentes da Policía Local de Vigo detiveron a un veciño da cidade, D.L.R., de 27 anos de idade, como presunto autor dun delito de lesións, tras golpear na cabeza a outro mozo cunha barra de ferro.

Segundo informaron fontes policiais, os feitos ocorreron na madrugada do luns, cando o sospeitoso se presentou de madrugada en casa da vítima, esixindo falar con el. Foi a nai quen abriu a porta e encarouse co mozo, iniciando unha discusión con el para que marchase.

Nese momento, saíu o seu fillo para mediar na disputa e o sospeitoso golpeoulle cunha barra de metal na cabeza, antes de abandonar o lugar á carreira. O mozo golpeado presentaba unha ferida aberta na zona parietal do cranio e tivo que ser trasladado ao hospital, para recibir puntos de sutura.

Segundo trasladou a vítima aos axentes, o conflito co agresor debíase a que iniciara unha relación coa súa exparella, e o sospeitoso reaccionara mal, provocando estes episodios de forma habitual.

A Policía puido identificar o autor do ataque e presentouse no seu domicilio. Alí, un familiar comprometeuse a avisalo de que o estaban buscando, e o sospeitoso presentouse posteriormente en dependencias policiais, onde foi detido.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...