InicioSociedadePiden 2 anos de cárcere para unha avogada por denuncias falsas en...

Piden 2 anos de cárcere para unha avogada por denuncias falsas en Vigo

Querelouse contra o seu antigo psiquiatra, a súa muller, a súa exparella e outro home por unha presunta violación, pero o caso foi arquivado.

PUBLICADO O

A Fiscalía pide 2 anos de cárcere para unha avogada de Vigo á que acusa dun delito continuado de denuncias falsas e que foi xulgada este mércores na sala do Penal 3 da cidade olívica.

Segundo o Ministerio Público, esta letrada presentou senllas querelas en 2015 e 2017 contra o que fora o seu psiquiatra, a súa muller, contra a súa exparella (tamén avogado) e contra outro home, aos que imputou un delito de agresión sexual. As querelas acabaron arquivadas.

Ademais, sinalou que esa avogada realizou unha serie de accións con intención de prexudicar a quen acusara falsamente. Así, presentouse ante a consulta do médico cun cartel o que o tachaba de “violador”; noutra ocasión, durante a celebración dunhas xornadas profesionais sobre atención á violencia de xénero, repartiu folletos manuscritos e dirixiuse aos presentes realizando as mesmas acusacións.

A avogada acusada, pola súa banda, declarou ante o tribunal que formulou esas denuncias polo seu pleno convencemento de que foi vítima dunha violación e porque quería “pedir axuda á Xustiza”, ademais de evitar que outras mulleres pasasen polo mesmo. A procesada declarou tamén que, dado que os feitos que cre sufrir xa prescribiron, xa “perdoou” e non ten “nada en contra” das persoas ás que denunciou.

CONCLUSIÓNS

A Fiscalía mantivo os termos da acusación e a petición de pena de cárcere, e afirmou que non procede aplicar ningunha circunstancia eximente porque a acusada tiña as súas capacidades intactas cando cometeu os feitos (a pesar dos seus antecedentes psiquiátricos).

A representante do Ministerio Público sinalou que, da actuación da acusada, “inférese unha inimizade” cara ás persoas ás que acusou falsamente, e lembrou que, aínda que foi citada polos servizos forenses para someterse a unha avaliación, non acudiu á devandita cita.

Pola súa banda, a defensa pediu a libre absolución e alegou que esta avogada padece un “trastorno de ideas delirantes”. Así, mantivo que a muller denunciou unha agresión sexual ao estar convencida de que a sufriu, e non con intención maliciosa. A letrada defensora tamén expresou a súa “sorpresa” polo feito de que a Fiscalía acuse á súa patrocinada nestes termos cando, paralelamente, o Ministerio Público instou un proceso de incapacidade da acusada (que ela impugnou).

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...