Unha colisión múltiple en Mos sáldase cunha persoa ferida

Produciuse no punto quilométrico 10 da A-55.

Ambulancia do 061 / 061-GALICIA - Arquivo.

Unha colisión múltiple rexistrada en Mos na que se viron implicados tres vehículos saldouse cunha persoa ferida, que foi trasladada por un equipo médico ao Hospital Álvaro Cunqueiro.

O choque múltiple produciuse no punto quilométrico 10 da A-55, en sentido a Vigo, uns minutos despois das 11,15 horas. Foi entón cando o 112 Galicia recibiu a chamada dun particular que alertaba do sinistro.

O 112 puxo a situación en coñecemento da Garda Civil de Tráfico, da Policía Local, do GES de Mos e de Urxencias Sanitarias de Galicia-061.