Medios terrestres e aéreos de Portugal e España traballan na extinción dun incendio forestal declarado esta madrugada nunha zona fronteiriza do distrito luso de Bragança e a provincia española de Zamora.
Segundo informaron hoxe a Efe fontes de Protección Civil ( PROCIV)de Portugal, o incendio, aínda activo, desatouse as 04:00 GMT nunha zona de monte baixo de Portugal, no concello de Lama Grande, unha paraxe que pertence ao Parque Natural de Montesinhos.
Nas tarefas de extinción, indicou PROCIV, traballan 8 medios aéreos (seis de España e dous de Portugal), 24 vehículos terrestres e 86 axentes.
Aínda que inicialmente o lume comezou en Portugal, as chamas avanzaron con rapidez e afectan “nun 90 %” ao territorio español da provincia de Zamora, de acordo cun portavoz de Protección Civil.
De momento, o lume non está próximo a ningún centro urbano, descoñécense as causas que o provocaron e non hai feridos.