O reitor da Universidade de Vigo (UVigo), Manuel Reigosa, sinalou a internacionalización como un dos retos do centro académico para “gañar o futuro” e converterse nun “referente” sendo “pública, galega, internacionalizada e igualitaria”.
Así o indicou Reigosa no acto de celebración de San Tomé de Aquino, patrón das universidades, celebrado este venres no salón de actos da Facultade de Ciencias Económicas e Empresariais.
Un acto que volveu reunir aos alumnos máis excelentes da UVigo, con máis dun centenar de estudantes de doutoramento e grao que recibiron as medallas e insignias da Universidade que acreditan os seus logros académicos.
Do total de galardoados, 20 corresponden a Premios extraordinarios de doctoramiento do curso 2019-2020; 30 a Premios extraordinarios de doctoramiento do curso 2020-2021; 49 a Premios extraordinarios de grao do mesmo ano e 6 a Premios Egeria á inclusión da perspectiva de xénero nos traballos de fin de grao e máster do curso pasado.
Reigosa aproveitou o seu discurso para facer un repaso dos retos e ás realidades da UVigo. Así, defendeu o Plan galego de financiamiento universitario 2022-2026, negociado entre o tres universidades e a Xunta, definíndoo como “o mellor que se podía esperar”.
O reitor tamén fixo referencia á situación que provocou a pandemia, obrigando a crearse o Campus Remoto, agora Campus Integra, e tamén falou dos grandes proxectos de investigación levados acabo no centro.
“Os nosos investigadores pódense comparar cos de calquera país europeo. Somos tremendamente competitivos”, recalcou, tras o que engadiu que se realizan contorna a 2000 publicacións por ano.
Entre as cousas a avanzar, a internacionalización é unha das cousas a mellorar. “A situación non é favorable e desde o punto de vista burocrático é difícil captar alumnado e profesorado, pero a UVigo ten que facelo”, subliñou.