InicioVigo e contornaVigoO estaleiro Barreras presenta o concurso voluntario de acredores

O estaleiro Barreras presenta o concurso voluntario de acredores

Os traballadores insisten nunha venda que manteña o emprego.

PUBLICADO O

O estaleiro Hijos de J. Barreras presentou na mañá deste xoves a solicitude de declaración de concurso voluntario de acredores no Xulgado do Mercantil número 3 de Pontevedra, con sede en Vigo. Segundo confirmaron fontes do Tribunal Superior de Xustiza de Galicia (TSXG), na documentación presentada solicítase que, con carácter previo á fase de liquidación, se proceda á venda da unidade produtiva.

Desta maneira, a compañía busca unha alternativa a través dun proceso concursal na modalidade de ‘prepack’, como pedía o comité de empresa, de maneira que a unidade produtiva se poida vender de forma independente e rápida, separada do resto de activos, débedas, e da propia sociedade, para os que se optará pola liquidación.

Por todo iso, a maxistrada do órgano xudicial ten que decidir agora sobre a admisión a trámite do concurso e se se cumpren os requisitos para a súa declaración, sempre que a empresa presentase toda a documentación necesaria. Será “nos próximos días” cando a xuíza emita o auto.

PROCESO DE VENDA

O estaleiro vigués Barreras, en mans de Ritz Carlton, contratou á consultora Kroll hai meses para xestionar o proceso de venda, tras o fracaso dos últimos proxectos, con contratos anulados, outros que non chegaron a formalizarse e cun iate-cruceiro de luxo que se está terminando en Santander.

No verán do pasado ano, aprobouse un ERTE para 124 operarios (en vigor ata xullo de 2022, e que só foi apoiado por UGT, con maioría no comité) e, de feito, do total do persoal, só unha decena de persoas está a traballar nas instalacións de Vigo, e outros 30 están a desempeñar labores para rematar o Evrima en Santander.

Tras abrirse o proceso de venda, Kroll recibiu tres ofertas pola unidade produtiva (as instalacións e a concesión portuaria), por parte de Armón, Gondán e Mariña Meridional. Tal e como confirmou o comité, “a única alternativa viable” é ir a un proceso concursal na modalidade de ‘prepack’.

Pola súa banda, os traballadores de Barreras atópanse desde o pasado día 10 en folga para reclamar a Kroll que non tome en consideración as ofertas que non inclúan a subrogación da totalidade do persoal, así como carga de traballo e un plan industrial que garanta manter a potencia construtiva de buques de gran porte.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

O bus urbano alcanzan unha operatividade do 98 % en días laborables tras o fin da folga, segundo Vitrasa

O servizo de bus urbano de Vigo recupera a normalidade tras máis de 3 meses...

Retencións de varios quilómetros na AP-9 ao seu paso por Vigo tras producirse un accidente e unha picada de roda

Un accidente entre un camión e un coche e unha picada de roda doutro...

Vigo acollerá en xuño o foro Galicia Biodays 2024 sobre industria biotecnolóxica e ciencias da vida

O Auditorio Mar de Vigo acollerá os días 12 e 13 de xuño o encontro internacional...