InicioSociedadeDetido en Vigo tras ameazar e agredir a súa exparella en presenza...

Detido en Vigo tras ameazar e agredir a súa exparella en presenza da filla

Os axentes apresárono pola suposta comisión dun delito de violencia de xénero.

PUBLICADO O

- Advertisement -

Un home de 37 anos, L.J.S.A., foi detido en Vigo tras empuxar e zarandear a súa exparella en presenza da filla menor de ambos. Fontes policiais detallaron que os feitos tiveron lugar este mércores sobre as 22,19 horas, cando unha muller contactou coa sala de comunicacións do 092 para indicar que a súa exparella a agredira na súa vivenda, situada na rúa Ecuador.

Unha vez no lugar, os axentes entrevistáronse con esta muller, á que atoparon na entrada do seu domicilio chorando e moi nerviosa. Así, explicoulles que a súa exparella lle enviara varias mensaxes ameazantes a través do seu teléfono móbil.

Posteriormente, detallou que o home se presentou na súa vivenda, onde comezara a discutir con ela en presenza da filla de tres anos de ambos e a súa compañeira de piso. Ademais, afirmou que o home a zarandeara e empuxara contra a parede.

Nese momento, ela refuxiouse coa nena nunha habitación e o home abandonou a vivenda ao comprobar que se ía a dar aviso á Policía. Finalmente, regresou cando os axentes se entrevistaban coas dúas mulleres.

Así, os policías identificaron o home, que negou agredir a súa exparella e afirmou ser a vítima do conflito sen mostrar lesións que verificasen a súa versión. Por iso, os axentes detivérono pola suposta comisión dun delito de violencia de xénero.

ÚLTIMAS

Hosteleiro libanés de Vigo expulsa un grupo de turistas israelís por mal comportamento no seu restaurante

Un hosteleiro libanés que rexenta un restaurante en Vigo expulsou a un grupo de...

Vigo anuncia que inicia os trámites para unha ordenanza sobre vivendas de uso turístico

O alcalde de Vigo, Abel Caballero, anunciou que o Concello iniciou a tramitación dunha...

OPINIÓN.- Unha cidade para quen a fixo grande

O Partido Popular de Vigo vén de propoñer que a antiga estación de autobuses...

Stellantis fai a última porposta para pagar a prima variable cun novo marco regulador

A dirección de Stellantis Vigo trasladou este xoves a sindicatos a súa última proposta...