Os traballadores de Vitrasa suspende os paros “temporalmente”

Vitrasa anunciou que a decisión do comité de empresa de suspender temporalmente as mobilizacións convocadas implica a finalización dos servizos mínimos de transporte previstos.

Concentración do comité de empresa de Vitrasa ante o Concello de Vigo para denunciar "incumprimentos" do goberno local e da empresa.. PAULA XUSTO-EUROPA PRESS

Os traballadores da empresa concesionaria do servizo de autobús urbano de Vigo, Vitrasa, suspenderon os paros “temporalmente”.

Vitrasa anunciou que a decisión do comité de empresa de suspender temporalmente as mobilizacións convocadas implica a finalización dos servizos mínimos de transporte previstos.

Así mesmo, esta empresa lamentou “as molestias ocasionadas á cidadanía” e lembrou que os usuarios poderán consultar o servizo dispoñible para os próximos días na súa páxina web.

En concreto, o comité de empresa iniciou a comezos de outubro unha serie de paros parciais para reclamar unha mellora das condicións laborais dos traballadores. Con todo, estes suspendéronse uns días máis tarde ao convocar a dirección da empresa á representación dos traballadores a unha reunión.

Ao non alcanzarse un acordo, o pasado 19 de novembro iniciouse unha nova folga en cuxa primeira xornada houbo varios traballadores feridos nun enfrontamento coa Policía. Ademais, desde o pasado 13 de decembro, os paros convertéronse nunha folga indefinida de luns a venres excepto festivos, mentres Vitrasa chegou a denunciar varios “ataques” aos autobuses da frota.