Novo xefe de servizo de Cirurxía Vascular e cinco xefes de equipo en Primaria para a área de Vigo

Tamén se publicou a convocatoria de provisión, polo sistema de concurso de méritos, de cinco postos de xefatura de equipo de Persoal de Xestión e Servizos para os centros de saúde de Coia, Cangas, Redondela, Tui e Val Miñor.

Hospital Álvaro Cunqueiro de Vigo. SERGAS - Arquivo

O Servizo Galego de Saúde (Sergas) dotará á área sanitaria de Vigo dun xefe de servizo de Cirurxía Vascular e cinco xefes de equipo de Persoal de Xestión e Servizos en Atención Primaria.

O Diario Oficial de Galicia (DOG) publicou este venres a resolución da Xerencia da área sanitaria de Vigo pola que se anuncia a convocatoria pública para a provisión, polo sistema de avaliación colexiada, dun posto de xefe do Servizo de Cirurxía Cardiovascular.

Así mesmo, publicou a convocatoria de provisión, polo sistema de concurso de méritos, de cinco postos de xefatura de equipo de Persoal de Xestión e Servizos para os centros de saúde de Coia, Cangas, Redondela, Tui e Val Miñor.

As bases de ambas as convocatorias estarán expostas nos taboleiros de anuncios das oficinas da Dirección de Recursos Humanos da área sanitaria de Vigo e a páxina web do Sergas.