InicioSociedadeVigo monta o boneco de neve do Nadal "máis alto de España"

Vigo monta o boneco de neve do Nadal “máis alto de España”

Abel Caballero anuncia tamén a árbore "máis alta de Europa".

PUBLICADO O

O Concello de Vigo segue avanzando na instalación das súas atraccións do Nadal e este xoves iniciouse a montaxe do boneco de neve luminoso que, segundo presumiu o alcalde, será “o máis alto de España”.

Nunha rolda de prensa, Abel Caballero explicou que ese gran boneco “creceu 3 metros”, ata os 13, e seguirá sendo “visitable”. No entanto, este ano cambiará de emprazamento e poderá verse no cruce entre García Barbón e a rúa Pontevedra, xa que a súa anterior localización, en Rosalía de Castro, será o lugar onde se instalen outras atraccións para a cativada.

A presenza do boneco de neve obrigará a reducir un dos carrís de García Barbón pero, segundo o rexedor, a afección ao tráfico será mínima e, de feito, a estrutura ocupa un pouco da beirarrúa precisamente para “molestar o menos posible” ao tránsito de vehículos.

Ademais, avanzou Abel Caballero, nas próximas horas iniciarase a montaxe do gran abeto de luces led que, do mesmo xeito que o ano pasado e debido ás obras, estará na rúa Policarpo Sanz, fronte ao teatro de Afundación. Ademais dos xogos luminosos e as cancións, a árbore será “a máis alto de Europa”, segundo o alcalde.

Estas atraccións lumínicas están situadas en lugares estratéxicos para conformar un “circuíto” que permita a visitantes gozar do gran parque temático da iluminación do Nadal que será o centro da cidade, e do que tamén forman parte outros reclamos, como a gran bóla situada entre Colón e Príncipe, ou a caixa de agasallo da Gran Vía.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...