InicioVigo e contornaVigoNovo convenio do metal "ás costas dos traballadores, denuncia a CIG

Novo convenio do metal “ás costas dos traballadores, denuncia a CIG

Aseguran que o convenio obriga ao persoal do sector a facer cursos que só poden impartir as organizacións asinantes.

PUBLICADO O

A sinatura dun novo convenio para o sector do metal a nivel español afonda na fractura da esfera sindical galega. A CIG vén de cargar contra CCOO, UGT e CONFEMETAL por asinar un acordo que ven “afastado dos traballadores” e mesmo “unha pantomima”.

A sinatura, que tivo lugar este mércores, abre a porta legal a un Convenio que, segundo destacan dende a Confederación, é descoñecido para “todas as traballadoras e traballadores do sector, non xa en Galiza, senón tamén no resto do Estado”. De xeito semellante, denuncian que o convenio “obriga a todo o persoal do sector a realizar cursos de prevención e de reciclaxe que só poden impartir as organizacións asinantes [do mesmo]”.

Así o denunciou o secretario nacional de Negociación Colectiva de CIG-Industria, Manuel Simón, quen sinala que onte, ás 12:00 horas comezaba a primeira reunión de negociación colectiva do convenio estatal do Metal coa asistencia presencial, en Madrid, de CCOO, UGT e a patronal e telemática da CIG e 3 empresarios. Unha xuntanza á que non asistiron os outros dous sindicatos representativos, ELA e LAB.

Simón apunta que tras da constitución da mesa, no mes de marzo de 2020, e o intercambio de plataforma non se volveu a convocar ningunha outra xuntanza até a data de onte, primeira reunión de negociación do convenio. Unha xuntanza na que, apuntan, o primeiro que dixeron foi “que teñen un preacordo CCOO, UGT e a patronal e que onte mesmo ían proceder a asinalo e ratificalo”.

“PANTOMIMA”

Diante deste anunciou, o representante da CIG manifestou a súa disconformidade denunciando que “isto non é unha reunión de negociación, porque nesta mesa non se negociou nada”. A esta respecto, Simón asegura que “foi unha pantomima para blanquear un acordo alcanzado por parte de algúns dos integrantes da mesa de costas ao resto”.

Manuel Simón lembra que a CIG é o sindicato maioritario en Galicia e denuncia que “as traballadoras e traballadores galegos non teñen coñecemento nin do que se acordou, nin do que se asinou. É máis de momento nós tampouco sabiamos o que asinaran porque non tiveron nin a decencia de mandarnos antes da reunión o preacordo que tiñan”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...