InicioPolíticaAbel Caballero declárase "neutral" para as primarias do PSdeG tras pactar unha...

Abel Caballero declárase “neutral” para as primarias do PSdeG tras pactar unha lista con Gonzalo Caballero

Como avanzou ao principio da campaña, Abel Caballero non asistiu aos actos protagonizados polos dous candidatos en Vigo, que tampouco contaron coa presenza da presidenta da Deputación de Pontevedra, Carmela Silva, nin a do secretario provincial do PSdeG, David Regades.

PUBLICADO O

- Advertisement -

O alcalde de Vigo, Abel Caballero, defendeu que se mantén “neutral” respecto ao proceso de primarias do PSdeG tras selar un acordo para configurar unha lista de unidade da agrupación local ao próximo congreso do partido co actual xefe de filas dos socialistas galegos, Gonzalo Caballero, e quen aspira a revalidar o cargo.

“Eu non varío nas miñas posicións. Dixen que ía ser neutral e sígoo sendo escrupulosamente”, resolveu este venres en Vigo a preguntas dos medios sobre un posible apoio a Gonzalo Caballero tras difundirse que ambos selaran un acordo para configurar unha lista de unidade da agrupación local ao XVI Congreso que o Partido Socialista celebrará os próximos días 7 e 8 de decembro.

Neste sentido, lembrou que ao comezo da campaña das primarias anunciou que “se mantiña neutral” e “non ía facer ningunha afirmación” respecto diso. Deste xeito, ratificou que “non fala de temas do partido” desde a Alcaldía de Vigo na xornada previa á que concluirá o proceso de primarias no que Gonzalo Caballero e o presidente da Deputación da Coruña, Valentín González Formoso, aspiran a alcanzar a Secretaría Xeral.

Como avanzou ao principio da campaña, Abel Caballero non asistiu aos actos protagonizados polos dous candidatos en Vigo, que tampouco contaron coa presenza da presidenta da Deputación de Pontevedra, Carmela Silva, nin a do secretario provincial do PSdeG, David Regades. Con todo, o encontro organizado pola candidatura de Formoso esta semana na cidade si reuniu a históricos militantes como a deputada Ángeles Marra, Anxo Rivas e o concelleiro de Cultura e secretario xeral da agrupación socialista na cidade, Abel Losada.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...