InicioSucesosAmeaza a unha camareira de Vigo cunha navalla polo prezo das cervexas

Ameaza a unha camareira de Vigo cunha navalla polo prezo das cervexas

Esixiu que só se lle cobrara unha das tres botellas que consumira.

PUBLICADO O

Axentes da Policía Local de Vigo detiveron a un veciño da cidade, D.L.A., de 31 anos de idade, como presunto autor dun delito de ameazas, tras encararse cunha camareira e coa dona dunha cafetaría, coas que discutiu polo prezo das bebidas que acababa de consumir.

Segundo informaron fontes policiais, os feitos ocorreron na tarde deste mércores, cando a propietaria dunha cafetaría situada en Sanjurjo Badía avisou ao 092 de que un cliente do local a ameazara a ela e a unha empregada cunha navalla.

Cando chegaron os axentes, as mulleres explicáronlles que este cliente tomou 3 cervexas e que, á hora de pagar a consumición, mostrouse en desacordo coa volta que lle daban e esixiu que só lle cobrasen unha das bebidas. A camareira explicoulle que o gasto que tiña que pagar era de 6 euros, polas tres cervexas que tomara, e negouse a devolverlle a diferenza que o cliente reclamaba.

Nese momento, o home sacou unha navalla e, alzándoa de maneira intimidatoria, encarouse coa empregada e coa propietaria do establecemento, ameazándoas de morte, e mesmo tentando meterse por dentro da barra do local. Os policías identificaron a este home e, ao cachealo, atoparon a navalla aberta nun dos seus petos, polo que procederon á súa detención como presunto autor dun delito de ameazas.

NON QUERÍA PAGAR A CARREIRA

Na mesma xornada, axentes da Policía Local de Vigo detiveron a un home, que se identificou como E.O.N., natural de Mozambique, por un suposto delito de estafa, despois de negarse a abonar unha carreira a un taxista que o recolleu na cidade de Pontevedra e o levou, pola autoestrada, ao aeroporto de Peinador, en Vigo.

Segundo informaron fontes policiais, os feitos ocorreron na mañá deste mércores, cando un taxista chamou ao 092 para denunciar que se atopaba no aeroporto e que o cliente ao que levara se negaba a pagarlle. Finalmente, tivo que ser detido polos axentes.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...