Policía Local de Vigo rescata unha garza real envelenada e desorientada no río Lagares

Garza real rescatada no Lagares / Policía Local

Axentes da Policía Local de Vigo rescataron un exemplar de garza real, que se atopaba ferida e atrapada no río Lagares, preto da chamada ‘Ponte Romana’ da Avenida de Portanet.

Segundo informaron fontes policiais, os feitos producíronse na tarde do pasado venres, cando o 092 recibiu unha chamada dun veciño, alertando de que había unha ave ferida na zona da ponte.

Ata o lugar desprazáronse axentes da Unidade Ambiental de Intervención Rural (Umir), que localizaron á garza real atrapada no río Lagares. O animal parecía ferido e desorientado, polo que a Policía baralla a posibilidade de que sufrise un envelenamento.

Tras proceder á súa recollida, a garza foi trasladada a dependencias policiais, para o seu posterior traslado por persoal de Centro de Recuperació de Cotobade.