InicioEconomíaAbel Caballero anuncia un orzamento de 285,5 millóns para 2022 en Vigo

Abel Caballero anuncia un orzamento de 285,5 millóns para 2022 en Vigo

O alcalde de Vigo explicou que este orzamento aplicarase "coa presión fiscal máis baixa de Galicia" e "débeda cero".

PUBLICADO O

O alcalde de Vigo, Abel Caballero, anunciou este venres que os orzamentos da cidade para o ano que vén ascenderán a 285,5 millóns de euros, os máis altos da historia da urbe olívica, cun incremento nas partidas de investimento, “coa presión fiscal máis baixa de Galicia” e “débeda cero”.

Así o trasladou o rexedor nunha rolda de prensa, na que avanzou que as contas crecerán un 8,14 % o ano que vén, pasando dos 264 millóns do orzamento en vigor aos 285,5 millóns do orzamento de 2022.

O goberno local, que prevé aprobar inicialmente as contas a próxima semana, contempla investir na cidade o ano que vén 21 millóns de euros máis que no actual exercicio, e iso a pesar de que “se conxelarán todos os impostos e taxas”, polo que o Concello deixará de ingresar uns 4 millóns de euros por non aplicar o IPC.

O alcalde defendeu que Vigo ten “a presión fiscal máis baixa de Galicia e unha das máis baixas de España” (uns 511 euros por habitante e ano), e que o total das exencións e bonificacións fiscais aplicadas polo Concello ascende a 17 millóns de euros.

Ademais, Caballero, que non quixo detallar as partidas orzamentarias (“iso queda para o luns”), lembrou que se repite unha circunstancia “tan importante” como que o Concello olívico segue tendo “débeda cero”. “Cando eu cheguei á Alcaldía, debíanse 60 millóns de euros, e agora, débeda cero”, proclamou.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...