InicioSociedadeEspecialistas de varios países estudan en Vigo a situación da regulación en...

Especialistas de varios países estudan en Vigo a situación da regulación en violencia sexual

O encontro, denominado 'Violencia sexual: antecedentes romanos e regulación actual', enmárcase nas actividades do grupo de innovación docente Docentia et Mulier da Universidade de Vigo (UVigo), segundo detallou esta última, e conta con apoio da Deputación de Ourense.

PUBLICADO O

Especialistas de España, Portugal, Italia e Brasil abordaron este luns en Vigo a situación actual na regulación da violencia sexual e as súas perspectivas de futuro no marco dun congreso cuxa celebración continuará os días 22, 25 e 29 de outubro.

O encontro, denominado ‘Violencia sexual: antecedentes romanos e regulación actual’, enmárcase nas actividades do grupo de innovación docente Docentia et Mulier da Universidade de Vigo (UVigo), segundo detallou esta última, e conta con apoio da Deputación de Ourense.

O congreso, no que tamén se analizan os antecedentes da antiga civilización romana na regulación na violencia de xénero, arrincou este luns na Facultade de Ciencias Xurídicas e do Traballo do campus vigués.

Durante a apertura, as responsables do encontro, as docentes da UVigo Inés C. Iglesias Canle e María José Bravo Bosch, sinalaron que a súa temática está vinculada a liñas de investigación nas que traballan “desde hai moitos anos” e que se centran “no tratamento do principio de igualdade” e “todas aquelas accións contra o mesmo, entre elas a violencia de xénero e a violencia sexual”.

EXPOSICIÓNS E DEBATES

Iglesias Canle tamén destacou que o programa conta con “amplas e nutridas” exposicións e debates que permitirán tratar “contido vinculado á orixe, a regulación actual e a previa da violencia sexual, tendo en conta a perspectiva do dereito comparado”. Deste xeito, detallou que os relatorios abordarán a situación actual e as perspectivas de futuro das reformas en Brasil, Portugal, Italia e España.

As directoras do evento apuntaron o interese que suscita o tratamento da regulación da violencia sexual nun contexto no que se referendou no Congreso dos Deputados o proxecto de Lei orgánica de garantía integral da liberdade sexual e onde está en trámite o anteproxecto de Lei para a igualdade real e efectiva das persoas transgénero e para a garantía dos dereitos das persoas LGTBI.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

O bus urbano alcanzan unha operatividade do 98 % en días laborables tras o fin da folga, segundo Vitrasa

O servizo de bus urbano de Vigo recupera a normalidade tras máis de 3 meses...

Retencións de varios quilómetros na AP-9 ao seu paso por Vigo tras producirse un accidente e unha picada de roda

Un accidente entre un camión e un coche e unha picada de roda doutro...

Vigo acollerá en xuño o foro Galicia Biodays 2024 sobre industria biotecnolóxica e ciencias da vida

O Auditorio Mar de Vigo acollerá os días 12 e 13 de xuño o encontro internacional...