Cáritas e Koopera uniron forzas para defender o compromiso social e ambiental, e polo desenrolo sostible da sociedade. Denuncian que case 13 millóns de persoas en España, é dicir, máis dunha cuarta parte da poboación, están “en risco de exclusión social”.
Ademais, engaden a necesidade de “mudar o modelo de consumo actual, que explota ao planeta. 18.000 toneladas de residuo téxtil acaban no lixo cada ano. Hai que evitalo”.
Defenden, en suma, a compravenda de roupa de segunda man, para aforrar recursos. Grazas ao seu labor aparece a vantaxe engadida de colaborar na inserción social de persoas vulnerables. Por todo isto, vestiron as estatuas viguesas para chamar a atención dos cidadáns no mundo que lles rodea, no mundo que queren crear.
En Koopera aseguran xerar traballo social para 600 persoas na venda de roupa de segunda man, co aforro que este proxecto supón en emisións de CO2 e uso de auga. Poñen ao servizo dos cidadáns 1.800 contedores de roupa e 35 tendas Koopera Store.