O alcalde de Vigo, Abel Caballero, celebrou este mércores que “parece que a Xunta empeza a mudar a súa posición” con respecto ás restricións na hostalaría debido á pandemia de Covid e asegurou: “Obrigámolo desde aquí”.

Nunha rolda de prensa, o rexedor olívico subliñou que “o acoso da Xunta” ao sector hostaleiro “non tiña ningún fundamento”, porque se demostrou que este sector, polo menos na cidade de Vigo, “compórtase ben” no que respecta ás medidas de prevención.

O alcalde constatou que agora o goberno galego “muda a súa posición”, en alusión ao novo protocolo para os hostaleiros, que establece medidas con independencia da incidencia da pandemia en cada municipio.

“Obrigámolo desde aquí, dixémoslle que non podía seguir facendo este castigo á hostalaría da cidade”, proclamou Caballero, que insistiu en que obrigou “” á Xunta “a eliminar a presión inxusta e indebida” sobre a hostalaría.