InicioSucesosUn detido en Vigo tras agredir á súa parella e ameazar a...

Un detido en Vigo tras agredir á súa parella e ameazar a un mozo por recriminarlle a súa actitude

O suposto agresor, en presenza dos policías, volveu ameazar ao mozo, chegando a afirmar de forma espontánea e "en actitude chulesca": "Agredín á miña parella, e que?".

PUBLICADO O

- Advertisement -

Axentes da Policía Local de Vigo detiveron a un veciño da cidade, D.F.C., de 44 anos de idade, como presunto autor dun delito de violencia de xénero, tras agredir á súa parella na terraza dun establecemento e ameazar a un mozo que lle recriminou a súa actitude.

Segundo informaron fontes policiais, os feitos ocorreron na noite do martes, cando unha dotación que patrullaba pola Avenida de Emilio Martínez Garrido foi requirida por un mozo que se atopaba na terraza dunha cafetaría. Esta testemuña explicou que un home que estaba alí agredira a unha muller e que, ao tentar mediar e frear a agresión, ameazáralle e tentado golpealo a el.

O suposto agresor, en presenza dos policías, volveu ameazar ao mozo, chegando a afirmar de forma espontánea e “en actitude chulesca”: “Agredín á miña parella, e que?”.

A testemuña explicou aos axentes que, momentos antes, observara como o sospeitoso insultaba a unha muller e a collía polo cabelo, chegando a levantala e abaneala.

Por iso, levantouse da cadeira e afeoulle a súa actitude, pedíndolle que cesase na súa agresión. O outro home, en vez de deterse, encarouse con el, e ameazou con golpealo.

As testemuñas e a vítima confirmaron a versión do mozo que requiriu axuda da Policía, polo que os axentes procederon á detención do sospeitoso, como presunto autor dun delito de violencia de xénero.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...