A farmacéutica ‘made in Vigo’ que comercializa un fármaco contra o cancro

Pharmamar vén de se disparar un 5% en bolsa logo da aprobación deste medicamento por parte dos Emiratos Árabes.

Sede de Pharmamar, no Porriño / EP

As accións de PharmaMar rebotaban case un 5% en Bolsa e lideraban as ganancias do Ibex 35 próximas as 13.00 horas tras aprobar Emiratos Árabes Unidos a comercialización dun fármaco contra o cancro de pulmón.

En concreto, os títulos da compañía subían un 4,6%, ata intercambiarse a un prezo de 76,1 euros, despois de anunciar que o seu socio, Immedica Pharma AB (Immedica), recibiu a aprobación de comercialización de lurbinectedina, rexistrado co nome de ‘Zepzelca’, por parte do Ministerio de Saúde e Prevención de Emiratos Árabes Unidos para o tratamento de pacientes adultos con cancro de pulmón microcítico metastásico con progresión da enfermidade despois da quimioterapia con platino.

A aprobación de lurbinectedina baséase nos resultados do ensaio clínico aberto, multicéntrico e dun só brazo realizado en 105 adultos con cancro de pulmón microcítico recorrente. Os datos, publicados en 2020 en ‘The Lancet Oncology’, mostraron que, en cancro de pulmón microcítico recorrente, a monoterapia con lurbinectedina tivo unha taxa de resposta do 35 por cento e unha mediana de duración da resposta de 5,3 meses, segundo as avaliacións dos investigadores.

DEIXAR UN COMENTARIO

Please enter your comment!
Please enter your name here