InicioVigo e contornaVigoVigo consolídase como a área máis afectada de Galicia con 359 contaxios...

Vigo consolídase como a área máis afectada de Galicia con 359 contaxios nun só día

A área olívica subiu en 145 infeccións, por riba do total da comunidade.

PUBLICADO O

Os hospitalizados pola Covid-19 en Galicia soben a 316, 15 máis que na xornada anterior e retoman así a tendencia ascendente de días anteriores. Tamén os novos contaxios sofren un repunte: alcazan os 1.300 e volven moverse ao redor das cifras dos últimos días, despois de que este sábado se estancasen nos 1.171. Os casos activos, pola súa banda, aumentan lixeiramente –95 máis–, 18.964, mentres que a taxa de positividade segue en ascenso e alcanza xa o 13,03% na Comunidade galega.

Segundo os datos actualizados na mañá deste domingo pola Consellería de Sanidade con rexistros de ata as 18,00 horas do sábado, recollidos por Europa Press, as persoas ingresadas pola Covid-19 en UCI ascenden a 44 –catro máis–, e soben tamén en 11 pacientes os hospitalizados noutras unidades –272–. Este incremente replícase na área de Vigo, onde os hospitalizados en unidades convencionais soben un —46 en total–, igual que ocorre na UCI, cun paciente máis —3–.

CASOS ACTIVOS ESTABLES

Os casos activos de Covid rexistran un lixeiro aumento, con 95 infeccións máis, co que se retoma a tendencia ascendente de xornadas previas, e sitúanse en 18.964, ao haber máis contaxios (1.300) que altas (1.204), ao que se suma un falecemento. O maior ascenso vén rexistrado na área de Vigo, que sobe en 145 infeccións ata 4.686 tras rexistrar 359 dos 1.300 contaxios contados en Galicia.

En canto á taxa de positividade das PCR a nivel galego, vén de repuntar a un 13,03%, tras estar o pasado sábado e venres por baixo deste limiar –12,11% e 11%–, e volve así á tendencia de días nos que roldou o 13,4% e iniciar esta semana cun repunte a un 15 por cento. Así, a Comunidade galega segue por encima dese 5% que establece a OMS para dar por controlada a pandemia, un limiar que, ata fai tres semanas, non superaba desde o 15 de febreiro.

VÍTIMAS E CURADOS

As persoas falecidas diagnosticadas con Covid-19 en Galicia desde o inicio desta pandemia ascenden a 2.461 despois de notificar este sábado Sanidade un novo falecemento. Segundo a información remitida aos medios por Sanidade, trátase dunha muller de 92 anos que estaba ingresada no Hospital do Salnés (Pontevedra) e que presentaba patoloxías previas.

Pola súa banda, 136.806 pacientes curáronse deste coronavirus no conxunto de Galicia desde o inicio desta crise sanitaria, que constitúen 1.204 persoas máis que as rexistradas ata o día anterior.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...