InicioPolíticaCesados dous edís do PSOE de Cangas tras suspender a Xunta os...

Cesados dous edís do PSOE de Cangas tras suspender a Xunta os traballos na praia de Rodeira

A alcaldesa de Cangas, Vitoria Portas (ACE), reprobou unha actuación que "terminou con parte das dunas" do areal situado no centro urbano para acoller un campionato deportivo.

PUBLICADO O

A alcaldesa de Cangas, Vitoria Portas (ACE), cesou a dous concelleiros do PSOE por unha “perda de confianza” tras “as últimas actuacións na praia de Rodeira” que afectaron a “parte das dunas” e que foron paralizadas preventivamente pola Xunta ante unha posible afectación a unha especie ameazada, a xesta de Ons.

Nun comunicado, a rexedora reprobou unha actuación que “terminou con parte das dunas” do areal situado no centro urbano para acoller un campionato deportivo, a proba Concello de Cangas da xira de balonmán praia da federación galega desta disciplina, que finalmente foi trasladado pola polémica xerada.

Ante esta situación e a “negativa” do edil de Urbanismo e Deportes, Eugenio González, e a concelleira de Medio, Mar, Rural e Voluntariado, Pilar Nogueira, a dimitir, a rexedora optou por cesalos.

Con todo, afirmou que esta decisión non afectará ás outras edís do PSOE que conforman o goberno local, Sagrario Martínez e Ingrid Loredana, que “poden seguir desempeñando as súas funcións como ata agora”.

Ademais, indicou que revisou o estado da parte da praia na que levaron a cabo os traballos de explanación e que mantivo unha reunión urxente co responsable de Costas. Tamén explicou que puxo a disposición de Medio Ambiente “todos os recursos que sexan necesarios” para “emendar os danos”.

Esta situación prodúcese despois de que a pasada semana os grupos da oposición, Avante!, BNG e PP, denunciasen o “atentado ambiental” que supuña a actuación e esixisen responsabilidades por parte do goberno local. Ademais, a Xunta suspendeu preventivamente os traballos no marco dunha investigación aberta para determinar se afectaban a un arbusto incluído no Catálogo galego de especies ameazadas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...