Falece unha muller tras caer nun pozo en Vigo

Ocorreu na rúa Falcoido, en Beade.

Camión de bombeiros / galiciaartabra.com

Efectivos de Bombeiros recuperaron este sábado o corpo dunha muller que faleceu tras caerse ao interior dun pozo en Vigo.

En concreto, sobre as 11,45 horas, os servizos sanitarios de urxencia informaron ao 112 Galicia da caída dunha muller nun pozo, situado na rúa Falcoido, en Beade.

Unha vez no punto e tras ser rescatada por parte dos bombeiros, os profesionais desprazados só puideron confirmar o falecemento da muller. Tamén se puxo sobre aviso á Policía Nacional e á Policía Local.