InicioEconomíaStellantis Vigo anuncia novas paradas de produción pola crise dos microchips

Stellantis Vigo anuncia novas paradas de produción pola crise dos microchips

O paro na actividade producirase os próximos domingo e luns, e prevense máis interrupcións ao longo deste mes.

PUBLICADO O

- Advertisement -

A dirección da planta automobilística do Grupo Stellantis (antes PSA) en Vigo anunciou este mércores ao persoal que, “por causas de forza maior” e ante os problemas de aprovisionamento “que persisten”, volverá suspenderse a produción na fábrica nos próximos días.

Así, paralizarase a actividade nos dous sistemas da factoría (o que monta as furgonetas e o que monta o Peugeot 2008, o C-Elysée e o Peugeot 301) o próximos domingo e luns, e volverán traballar o martes 15 de xuño, coa incorporación da quenda B en horario de mañá.

Ademais, prevese que ambos os sistemas volvan parar na quenda de noite do mércores 23 de xuño, e nas quendas de mañá e tarde do xoves 24, así como a xornada completa do mércores 30 de xuño.

A planta viguesa está a sufrir paradas na súa produción de maneira continua desde principios de ano como consecuencia da chamada ‘crise dos microchips’, que afecta os seus provedores de compoñentes electrónicos.

Para xestionar esta situación, a planta viguesa aprobou a finais de marzo pasado a aplicación dun ERTE acordado coa maioría do comité de empresa (SIT, CC.OO. e UGT) e do que se desmarcaron os sindicatos CIG e CUT. A regulación afecta a traballadores fixos a tempo completo que esgotasen outros mecanismos de flexibilidade, como a adecuación de xornada ou a bolsa de horas, por un máximo de 60 días e ten vixencia ata final deste ano.

ÚLTIMAS

Hosteleiro libanés de Vigo expulsa un grupo de turistas israelís por mal comportamento no seu restaurante

Un hosteleiro libanés que rexenta un restaurante en Vigo expulsou a un grupo de...

Vigo anuncia que inicia os trámites para unha ordenanza sobre vivendas de uso turístico

O alcalde de Vigo, Abel Caballero, anunciou que o Concello iniciou a tramitación dunha...

OPINIÓN.- Unha cidade para quen a fixo grande

O Partido Popular de Vigo vén de propoñer que a antiga estación de autobuses...

Stellantis fai a última porposta para pagar a prima variable cun novo marco regulador

A dirección de Stellantis Vigo trasladou este xoves a sindicatos a súa última proposta...