InicioEconomíaCaballero propón a Renfe até tres liñas directas Vigo-Madrid sen pasar por...

Caballero propón a Renfe até tres liñas directas Vigo-Madrid sen pasar por Santiago

"Que todo o mundo descarte aquela humillación de facer Vigo-Santiago e aí cambiar de plataforma e subir a outro tren", di o alcalde.

PUBLICADO O

O alcalde de Vigo, Abel Caballero, propuxo ao presidente de Renfe, Isaías Táboas, unha reforma nas frecuencias de tren que conectan a cidade con Madrid, de forma que expuxo a posibilidade de establecer ata tres liñas directas coa capital pasando por Pontevedra e Ourense, pero sen entrar nin parar en Santiago de Compostela.

Este mércores, o rexedor incidiu en que “a liña Vigo-Madrid ten que ser tratada coa importancia que se merece”, e iso supón que o tren que actualmente pasa por Santiago, “se transforme nun Vigo-Madrid directo, sen entrar nin parar en Santiago”.

A maiores, apostou porque “nun mes ou dous meses” se poñ en marcha unha segunda liña directa Vigo-Pontevedra-Ourense-Madrid “utilizando o bypass que non entra en Santiago”. A iso engadiu na súa proposta que “máis adiante, se a demanda o reclama”, poder establecer unha terceira liña coas mesmas condicións.

Segundo manifestou, esta formulación “significa un aforro dun cuarto de hora no tempo de viaxe”, alcanzar “o tempo tecnicamente máis breve posible” e conseguir que viaxe “máis xente no tren” e que se utilice a estación de Urzáiz. “Que todo o mundo descarte aquela humillación de facer Vigo-Santiago e aí cambiar de plataforma e subir a outro tren”, subliñou.

Acto seguido, Caballero asegurou que este plan foi “ben recibido” polo presidente de Renfe, do que avanzou que “virá a Vigo en próximos días” e ambos manterán unha reunión para tomar “a decisión definitiva” sobre as frecuencias de tren.

DESVÍO POR CERDEDO

Doutra banda, Caballero manifestou que “dentro dunhas semanas” presentará xunto á presidenta do Administrador de Infraestruturas Ferroviarias (ADIF), Isabel Pardo de Vera, os resultados do primeiro estudo hidroxeológico sobre o desvío ferroviario por Cerdedo, que “aforrará 20 minutos máis” ao percorrido entre Vigo e Madrid.

“De momento o bypass está preto de Santiago, pero seguimos expondo Vigo, Pontevedra, Ourense por Cerdedo, Madrid”, remarcou, antes de trasladar a súa confianza en que esta ligazón “se vai facer, porque significará a conexión Porto-Madrid por vía directa de alta velocidade” cando se faga o saída sur.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...