Axentes da Policía Local de Vigo detiveron a un mozo de 23 anos ao que lle constaba unha orde xudicial de detención e outra de investigación de paradoiro, e que foi identificado por ir pola rúa sen máscara.
Segundo informou a Policía Local, unha patrulla que estaba o pasado domingo na rúa Pizarro observou sobre as 0,15 horas que un home camiñaba pola vía pública sen facer uso da máscara e en horario limitado polo toque de queda.
Así, procederon a identificalo e, ao verificar os seus datos, comprobaron que lle constaba en vigor unha orde de detención emitida polo Xulgado de Instrución número 3 de Pamplona, así como unha orde de investigación de domicilio e paradoiro do Xulgado de Instrución número 2 de Alacante.
Ademais, ao realizarlle un cacheo preventivo de seguridade encontraron unha sustancia en rama, presuntamente marihuana. Por todo iso, o home foi detido e quedou a disposición do órgano xudicial competente.